بے قابو ٹرک نے متعدد افراد کو کچل دیا، ایک جاں بحق

دہرادون۔ پیر کو دہرادون-دہلی ہائی وے پر چندربانی چوک پر ایک بے قابو ٹرک نے ہنگامہ کھڑا کردیا۔ ٹرک نے کئی لوگوں کو کچل دیا۔ حادثے میں ایک کی موت ہو گئی اور پانچ سے زائد افراد زخمی بتائے جا رہے ہیں۔ زخمیوں کا شہر کے مختلف اسپتالوں میں علاج جاری ہے۔ پولیس کے مطابق سہارنپور سے آنے والا بے قابو ٹرک سڑک کے کنارے جھونپڑیوں سے جا ٹکرایا۔ پولیس فورس موقع پر پہنچ گئی اور راحت اور بچاؤ کے کاموں میں لگ گئی۔ پٹیل نگر کوتوالی کے انسپکٹر سوریہ بھوشن نیگی نے بتایا کہ حادثے میں ایک شخص کی موت ہو گئی ہے۔ ٹرک حادثے کی وجہ ٹرک کی بریک فیل ہونا بتائی جاتی ہے۔ ٹرک ڈرائیور کافی دور سے ہارن بجاتا ہوا آرہا تھا لیکن وہیں بے قابو ہوگیا۔